Liñas PEL - Convocatorias
PEL-CONCELLOS: Programa de subvencións á contratación de persoal para a execución de obras e servizos municipais dos concellos da provincia da Coruña.
Finalidade
Axudas á contratación de persoas desempregadas para a prestación de servizos municipais imprescindibles.
A finalidade destas axudas é subvencionar os custos de contratación de persoas desempregadas en risco de exclusión laboral nos distintos concellos e que se contraten expresamente para a realización de traballos necesarios para a prestación de servizos municipais básicos, acordes ás competencias definidas nos artigos 25 e 26 da Lei 7/1985, do 2 de abril, reguladora das bases do réxime local.
Convocatoria 2026
- Bases PEL-CONCELLOS
- Corrección de erros materiais nas bases reguladoras
- Convocatoria
- Resolución de concesión
Histórico
PEL-AUTÓNOMOS/AS: Programa de subvencións de apoio ao emprendemento a través do financiamento das cotas sociais e/ou do alugueiro de oficinas, baixos comerciais ou centros de traballo a persoas autónomas.
Finalidade
A finalidade destas axudas é o fomento do emprendemento e o traballo por conta propia nos municipios da provincia da Coruña de menos de 10.000 habitantes poñendo en marcha mecanismos necesarios para a supervivencia e o fortalecemento do tecido empresarial autónomo.
Estas axudas teñen por obxecto sufragar parte das cotas da Seguridade Social e/ou financiar o alugueiro de oficinas, baixos comerciais ou centros de traballo a persoas autónomas.
Convocatoria 2026
Histórico
PEL-EMPRENDE INVESTIMENTO: Programa de subvencións á consolidación e ao fortalecemento do tecido empresarial nos concellos da provincia da Coruña a través do apoio ao investimento en bens inventariables.
Finalidade
A finalidade destas axudas é contribuír á consolidación e ao fortalecemento do tecido empresarial nos concellos da provincia da Coruña con poboación inferior a 10.000 habitantes, a través do apoio ao investimento en bens inventariables de pequenas, medianas empresas, microempresas e persoas autónomas.
Convocatoria 2026
Histórico
PEL-PEMES CREACIÓN AMPLIACIÓN DO CADRO DE PERSOAL: Programa de subvencións á contratación para a creación e ampliación do cadro de persoal de pequenas, medianas empresas, microempresas e persoas autónomas.
Finalidade
A finalidade destas subvencións é apoiar ás pequenas, medianas empresas, microempresas e persoas autónomas dos concellos da provincia da Coruña con poboación inferior a 20.000 habitantes para a contratación laboral dun/dunha traballador/a.
Cada empresa poderá solicitar a subvención para a contratación dun/unha traballador/a durante un período de 12 meses, durante os cales a subvención cubrirá como máximo o 60% dos custos salariais e de seguridade social da persoa traballadora.
O contrato poderá ter unha duración superior a 12 meses, pero a subvención cubrirá unicamente os custos correspondentes aos meses do contrato incluídos dentro da anualidade 2026.
O período subvencionable comprenderá gastos salariais e de seguridade social das contratacións iniciadas na anualidade 2026 e que teñan unha duración mínima de 6 meses.
Convocatoria 2026
Histórico
PEL-PEMES CREACIÓN AMPLIACIÓN DO CADRO DE PEL-PEMES MANTEMENTO DO CADRO DE PERSOAL: Programa de subvencións para o mantemento da contratación en pequenas, medianas empresas microempresas e persoas autónomas.
Finalidade
A finalidade das subvencións é apoiar ao tecido empresarial provincial para o mantemento do posto de traballo laboral indefinido creado con cargo ás axudas á contratación para a creación e ampliación do cadro de persoal de pequenas, medianas empresas, microempresas e persoas autónomas (PEL-Pemes Creación e Ampliación 2025).
O período máximo subvencionable será de 12 meses (de xaneiro a decembro de 2026), polo que se subvencionarán exclusivamente os gastos salariais e de seguridade social correspondente aos meses do mantemento da contratación incluídos dentro da anualidade 2026. A contía máxima da subvención a conceder será o 50% dos custos estimados de contratación.