Quen somos e que servicios prestamos
A Oficina de Información e Rexistro ofrece os seguintes servizos:
Como Oficina principal de asistencia en materia de rexistros da Deputación Provincial da Coruña, e conforme a Lei 39/2015, desenvolve as seguintes funcións:
- Recibe, clasifica, rexistra e distribúe toda a documentación recibida, na Deputación da Coruña, presencialmente, por correo postal ou aquela outra que presente a cidadanía a través da nosa sede electrónica.
- Presta asistencia á cidadanía en todos os trámites dirixidos á Deputación da Coruña.
- Dixitalización e rexistro dos documentos presentados de maneira presencial ante as Administracións públicas para a súa incorporación no expediente administrativo electrónico, devolvéndose os orixinais aos interesados, sen prexuízo daqueles supostos nos que a normativa determine a custodia pola Administración dos documentos presentados ou resulte obrigatoria a presentación de obxectos ou de documentos nun soporte específico non susceptible de dixitalización.
- Presta o servizo de rexistro de documentos dirixidos a calquera Administración pública acollida ao Sistema de Interconexión de Rexistros (SIR).
- Facilitar aos interesados ó codigo de identificación do órgano, centro ou unidade administrativa a que se dirixe, se o interesado o descoñece (DIR 3).
- Presta asistencia xeral no uso de medios electrónicos e facilita, cando o interesado non dispoña dos medios electrónicos necesarios, a súa identificación ou firma electrónica no procedemento de que se trate, que poderá ser realizada por un funcionario público (funcionario habilitado) pertencente ás devanditas oficinas. Neste caso, o interesado deberá identificarse ante o funcionario e prestar o seu consentimento para esta actuación, do que deberá quedar constancia para os casos de discrepancia ou litixo.
- Recolle e tramita as queixas e suxestións que a cidadanía desexe presentar por escrito sobre o funcionamento da nosa Oficina o doutro Servizo da Deputación Provincial, ben mediante o formulario dispoñible na web ou ben presencialmente.
Como Oficina de Información da Deputación Provincial da Coruña ofrece:
- Información xeral sobre a misión, estructura e funcionamento da Deputación Provincial da Coruña.
- Información personalizada sobre os trámites e Servizos para a xestión das súas solicitudes.
Como "Espazo e-Point" para a autoxestión electrónica dispón:
- Un "espazo e-Point" para presentar solicitudes dirixidas á Deputación da Coruña. Este espazo conta con postos de autoxestión electrónica con atención de persoal de asistencia, se fose necesaria.