A Deputación da Coruña mantén o seu apoio ao Festival Meninas de Canido
A Deputación da Coruña mantén o seu apoio ao Festival Meninas de Canido, unha cita xa consolidada no calendario cultural galego que transforma cada ano Ferrol nun gran espazo aberto á arte, á creatividade e á participación cidadá.
A colaboración co Mercado Creativo —que reúne ilustradores/as, ceramistas, deseñadores/as e creadoras/es de toda Galicia— é unha mostra máis dun respaldo sostido a un proxecto que combina cultura, dinamización económica e identidade urbana. Un festival que non só enche as rúas de Ferrol de arte, senón que tamén xera oportunidades para o talento local e atrae milleiros de visitantes.
Desde a Deputación seguimos apostando polos proxectos culturais que deixan pegada, que fortalecen o tecido creativo e que contribúen ao desenvolvemento da nosa provincia.
